مصر مش كورة

ولا قلعة ولا بستان
ولا ميه فى نافورة
ولا كوبرى وسط ميدان
ولا حتى نهر النيل
كله غنا ومواويل
ولا صورة ولا إعلان
مصر دى إحنا
سكنت فى أرواحنا
دى حتى فصيلتنا
فى الدم لونها كمان
الورد على الخدين 
والضحكة ملو العين
والكلمة الطيبة
تروى يا ناس فدادين
حبيبتى يا طيبة 
ديما كده قريبه
حبك لينا عنوان
مهما يكون الصعب
معاه تكونى قادرة
ومهما حرامية
عاملين أفندية
عاملين رجال أعمال
ومهما خدعوكى
أو حتى باعوكى
الطرح من خيرك
يكون كده ليهم
أمراض مع أهوال
والسرقة على عينك
يا تاجر الأعمال
الذل دليلك
والدعوة مقبولة
تبقى بوقف الحال
يا مصر يا بلادى
يا ضلة لاولادى
يا ست ست الكل
اليوم دا يوم نصرك
يا ساكنة فى قصرك
الدنيا من أصلك
عايشة تقول الله

الله عليك ياباشا على الكلام الحلو ده بس ياريت المصريين إللى بيقولو مصر إيه وبتاع إيه يفهموه ويفهمو إنى مفيش أحسن من بلدنا
محمد حماد

الاستاذ محمد حماد
شكرا لكلماتك الجميلة - ونقول للناس اللي بتقول على مصر ايه وايه نقولهم - متقلشي مصر ادتنا ايه وقول ادنا مصر ايه
ياسر